Shillong, Jylliew 13: Kum ka jingpynneh pynsah iaka rep ka riang naduh ki longshwa ki manshwa haka rep tynrai haka Raid Sohkhwai ha Ri Bhoi District, Mynta ka sngi naka liang ki Nongialam shnong bad ki Nongialam Raid kila pynlong daka kraid puh lyngkha ha kaba ki paidbah jong ka Shnong Umden La,Ang, kaba don ha Sohkhwai kila ia poi ryntieh ban kraid iaka lyngkha ha shwa ban thung ban bet iaki jhur ki jhep hapoh ka lyngkha.
Ha kane ka kraid Puh lyngkha ka don ar bynta ka wei ka dei ka bara kyiad lane ka bara bhur bad kawei pat ka dei ka Paid Mangdeng lane ka bara khynlloit bad haka Kraid Lyngkha kaba la long mynta ka sngi la ia shim bynta lang naduh u Rangbah Shnong ka Umden La,Ang, Sohkhwai u bah Shanbor Rani lem bad u Lyngdoh Raid ka Raid Sohkhwai u bah Speshon Sylliang lem bad ki nongshnong Shnong ka Umden La, Ang.
Ha shwa ban sdang ka Kraid Lyngkha la ber shwa daki symbai kum ki kba ki sohriew ki nei lem bad kiwei pat ki jait jingthung la pynbud sa ka jingtem ksing ryngkat bad ka phawar haka por ba Kraid Lyngkha daki nongrep jong ka Shnong Umden La, Ang ryngkat bad ka bam tynrai bad ka dih sha saw haka por ba Kraid Lyngkha la bynbud pat sa ka bamja sngi daka jingbam tynrai kaba la shet da u khaw.
