Shillong, Jylliew 13: Haka por bym poi pyrkhat bad haka por kaba dang dei ka kynta trei jong ki 4 ngut ha kawei ka iing maw kaba dang shna pynbha katto katne kaba donkam ban pynpra iaka kynroh bad ka slep, ka kynroh kaba ki pynpra ryngkat bad ka slab ka khyllem kynsan bad lam sha ka jingjia ba sngewsih.
Ki saw ngut ki samla kiba la trei ha kane ka jaka ki dei na ka shnong Umpathaw Ri Bhoi District kiba trei ha katei ka iing bun mala, uwei u dei u ba la mynsaw jur bad la rah ia u sha Civil Hospital da ki paidbah ban ioh ia ka jingsumar.
Ki paidbah kiba don ha jan ka tei ka iing bun mala kaba dang shna kila ioh sngew ia ka jinghala, nangta uwei pat uba la sahkut hapoh uba la shah ban ha katei ka slep ha kaba ki paidbah kila shem jynjar ban sei ia u namar ba um tip briew shuh.
Katba dang wanpoi ki paidbah kila iarap da kaba pynpra suki suki ia katei ka slep bad weng iaki katto katne ki mawblok bad la lah ban sei iaka met jong u, ka la don ka jingiam briew hapdeng kitei kiba u iatreilang bad ki para shnong.
Mar ia ioh jingtip ki bor pulit Fire and Emergency Service kila poi ban ai jingiarap, kham hadien pat la wanpoi ki bor pulit. Uba khlad ha kane ka jingkhyllem ka slep, la tip kyrteng kum u bah Jelin Mangu uba dang 20 snem ka rta, ia ka met une u samla la rah sha Civil Hospital na ka bynta ban leh ia kaba donkam.
