Shillong, Naitung 28: Ka District Level Committee on Ground Water Resource (DLCGWR) jong ka South West Garo Hills, kala bthah ia baroh ki riew paidbah bad ia ki jaka pule ne ki kynhun kiba don ia ki pukri um ki dei ban register bad ka ophis jong u Executive Engineer (Water Resources), South West Garo Hills Division, Ampati, mardor.
Kane ka jingphah register ia ki pukir um ka long ban sngewthuh ia ka jingdon ka um hapoh meiramew bad ha ka juh ka por ban pyndon kam ia ka um hapoh khyndew ha South West Garo Hills District.
Kat kum ka jingthoh kaba la pynmih na ophis u Executive Engineer (Water Resources) ba dei ruh Member Secretary, DLCGWR, ba kino kino kiba don ia ki pukri um ki dei ban ai ia ki kot ki sla kiba don kam haba register ha ka ophis jong u Executive Engineer (Water Resources), Ampati.
Ka ophis jong ka District Level Committee kala kren shai ba baroh don kam ban register ia ki pukri um bad lada don kiba khlem leit ban register kin ngat ha ka jingshah pynshitom katkum ki kyndon ain.
Ka kommittee ka kyntu ia baroh ki riew shimet bad ki jaka pule ne ki kynhun bad kin pyndep kloi lan ban register khnang ban lah kumno ban peit tuh ia ka jingdon ka um hapoh meiramew bad ha ka juh ka por ban pyniaid katkum ki kyndon ain.
