Shillong, Jylliew, 15: Ki khlieh nongsynshar ka Hima Sohra bad ki riew rangbah kila leit iakynduh ia u Lat ka jylla ban ujor pyrshah iaka Executive Committee ha KHADC kaba dei na ka party VPP ha kaba ka khlem ai sanad mynta la palat hynriew bnai.
Hadien ka jingiakynduh ia u Lat, u nongai buit ka Hima Sohra u bah Laborious Manik Syiem haba kren ha ki lad pathai khubor u la ong ba kane ka jingwan iakynduh ia u Lat mynta ka sngi ka dei ka jingbteng iaka jingiakhih kaba la dep pynlong ha ka por ba ki leit tur sha District Council.
Kane ka jingleit ujor sha u Lat ka dei namar ba ka KHADC kam shym la pynskhem ia u bah Remdor Syiem kum u Syiem ba pura ka Hima Sohra watla la dep ban jied da ka kur Syiem kiba khraw ki batri bad la pynskhem da ka niam kaba don hapoh ka Hima Sohra.aieadien
Ha kane ka jingiakynduh, la iathuh ba u khlieh jong ka jylla u la shah skhor iaka jingiakren bad ki khmih lynti ba u Lat ka jylla un sa leh ia kaba donkam.
