Maligaon, Jylliew 15: Ka Northeast Frontier Railway (NFR) sa shisien pat ka la ioh ban iarap ia kawei ka longkmie ba armet ba shong da ka rel, da kaba pynbiang ka jingsumar ha ka por ba biang bad kaba la suh kha katba ka dang shong da katei ka rel ba don ia u nombar No. 15910 kaba leit na Lalgarh shaduh Dibrugarh, kaba kyrteng ka Avadh Assam Express ha ka 14 tarik, Jylliew 2026. Katei ka longkmie kynsan kynsan ka la suh kha katba katei ka rel ka poi ha Rangiya.
Haba la ioh jingtip, mar mar ki nongtrei jong kane ka rel khlem pynslem ki la leit ban ai jingiarap ban khot iaki doctor.
Ka jingstet iarap jong kine ki nongtrei ba don ha katei ka por ka pynioh iaka Rangiya Control, Commercial bad Medical Department ba kin lah ban ai jingiarap.
Katba ka kynhun ai jingsumar kaba la pyniaid da u Dr. Sarat Chandra, uba dei u Divisional Medical Officer jong ka Rangiya Division, u la poi ha katei ka steshon rel jong ka Rangiya hashwa ban poi kane ka rel.
Ha kato ka por, lem bad ka jingiarap jong kiwei pat ki nongap bad ka Krishnama Goldsmith Bezbaruah, ba dei ka nurse na Jorhat Christian Mission Hospital kaba la jia ryngkhat ba leit jingleit da kane ka rel, kala iarap pynkha ia kane ka longkmi.
Katba iaka kmie bad i khyllung, mar mar la ap lang da ka kynhun ai jingsumar ha ka por ba poi ha steshon Rangiya bad la rah noh iaka sha Rangiya Railway Hospital na ka bynta ban ioh jingsumar.
Katba ia itei i khyllung, la kha khlem dap bnai, hynrei baorh ar ngut ka kmie bad i khyllung kila shah rah noh sha Gauhati Medical College & Hospital (GMCH), Guwahati, lyngba ka kali kit nongpang na ka bynta ban ioh jingsumar bad kine ar ngut ki don ha ka met ba khlain.
Kane ka jngjia ka long kum ka nuksa ba pyni iaka jingdon ka mynsiem iarap lem, jingia tylli lang bad ka jingiatip lem jong ki pulit ka NFR, kiba la noh met bad mynsiem iaka jingshngain ki nongleit nongwan wat ha ki khep jong ka jingshem kynsan ne kyrkieh.
Ka NFR kala ai khublei iaka Krishnama Goldsmith Bezbaruah na ka bynta ka jingiarap jong ka ha ka por ba biang bad kila pyniar ka jingai khublei sha ka kmie bad i khyllung.
