Delhi, Naitung 28: U Myntri Rangbahduh ka ri India, u Narendra Modi, u la ai khublei iaka nongrah nar khia, ka Bindyarani Devi Sorokhaibam halor ka jingjop jong ka ban ioh pdiang iaka takma rnong ha ka thup jong ka women’s 58 kg ha ka Commonwealth Games 2026.
U Myntri Rangbahduh u la ong ia kane lyngba ka rynsan X ba ka jingjop jong ka dei na ka daw jong ka jingtrei shitom bad jingkut jingmut bad u la phah iaki jingkyrmen bad jingkitbok iaka na ka bynta ka lawei jong ka.
Ia ka Glasgow Commonwealth Games 2026 kaba la pynlong ha Scotland, la sdang naduh ka 23 tarik, Naitung haduh 2 tarik, Nailar, 2026, kane ka jingialehkai Commonwealth ka dei ka jingialehkai tang hapdeng kito ki ri kiba la shah synshar ha ka ri Bilat kaba mynta kala ioh iaka jinglait luid.
