Shillong, Jylliew 17: U President ka seng Jaintia Student Union samla Jersom Shylla u la pynpaw ia ka jingsngewnguh ia u myntri ba dei peit ia ka tnad pynneh pynsah riti dustur u bah Sanbor Shullai bad ia u myntri ka tnad ialehkai u bah Wailadmiki Shylla ba dei u MLA ka Jowai kiba la leit ban jurip ia ka jaka ha Mihmyntdu ka jaka ban pynieng ia u durmot ba shirynieng u Kiang Nangbah.
U President ka JSU u kwah ban pynkynmaw ba kine ki jingiadei ban tei ia dur mot ba shi rynieng u Kiang Nangbah, ha kata ka jaka hapoh Mihmyntdu kaba la hap ha Mihmyntdu, la pynkynmaw ba na ka liang jong ka seng, kila iaid lynti naduh kito ki por mynshuwa ban pan ne ban dawa ban ioh ia u dur mot ba shi rynieng jong u Kiang Nangbah.
Na ka liang u president u pyntip ka jaka ka dei ka jong ka transport department, hapoh ka don ka MTC kaba dei trai ia kata ka jaka ka dei ka Meghalaya Transport Cooperation, na ka liang jong ka seng naduh kito ki por ba bat u Sanbor kum u myntri ka tnad riti dustur ban pan ia u mot Kiang Nangbah ha katei ka jaka.
Ha kato ka por ba bat u Dasakhiat, Myntri ka Transport, hadien ba la kut ka por trei jong u bah Sanbor, ha kito ki por kane ka jingdawa jong ki kala sahkut noh kumto, Ki sngew kmen ba mynta ka sngi kila leit ban jurip lang na ka liang jong ki Myntri baroh ar ngut kila pynsngap ia kaei kaba kila pan.
