Shillong, Jylliew 16: Ka kong Deiti H.Majaw Executive Member ba dei peit ia ka tnat ain haba jubab ia ka jingkylli ba la wanrah da ka kong Grace M. Kharpuri MDC ka NPP kala ong ba la pyntrei kam ia ka Khasi Hills Autonomous District (Khasi Social Custom of Linege) Act-1997, kumba la wanrah ia ka jingpynkylla bad katkum ka rule 2007.
Haba jubab ia ka jingkylli bynrap ba la kylli biang da ka MDC ka Nongshken kala ong ba lada don mano mano ki bym bud shuh ia ki riti ki dustur ia kum kita katkum ka ain la shim ba kim dei shuh ki khasi.
Haba jubab ia kawei pat ka jingkylli bynrap ba lada, u kpa ruh khasi kmie ruh khasi ki khun ruh khasi lada shim jait na u kpa hato yn khein kumno haba ia dei bad kane na ka liang ka EM kala ong ba ka ain kam shym la batai shai.
Haba jubab pat ia ka jingkylli bynrap ba la wanrah da u nongialam ka liang pyrshah u bah Titosstarwell Chyne haba iadei bad ka jingpynkylla ia kane ka ain ha u snem 2023 bad la ioh ruh ia ka jingmynjur jong u lat ha u snem 2024, halor kane ka jingkylli ka EM kala jubab ba ka sorkar kala pynsangeh ban ai Schedule Tribe sha kiba shim jait kpa bad kane mynta ka dang don ha ka mokotduma hapoh ka iing bishar Meghalaya High Court.
