Shillong, Jylliew 20: Pynbna paidbah ia ka Stella Rica Khongsni kum ka nongmih khmat jong ka kompani, kaba thoh dak ia ka sien jam ba kongsan jong ka jingdon jong kane ka kompani ha Meghalaya bad ha kylleng ka shatei lamihngi.
Shillong, 20 Jylliew 2026: Ka Sunrise Pure jong ka ITC Ltd.’s , kawei na ki kompani jingshoh kiba la shaniah bha da kiba bun ha ka thain mihngi bad shatei lamihngi jong ka India, ka la thoh dak ia ka sngi ki sur tem ne ka World Music Day lyngba ka jingpynlong jong ka ia ka jingrakhe kolshor ‘Ka Rympei Ki Sur’ kaba la pynlong ha Police Bazaar, Shillong.
Kane ka jingpynlong ka la wanrah lang ia ki sur tem na ka thain, ka jingiajan shi imlang sahlang, bad ka sien jam ba kongsan na bynta ka kompani, kaba la pynlong ia ka ka janmiet ba bym lah klet na ka bynta ki nongshong shnong jong ka Meghalaya.
Ka kyrteng ‘Ka Rympei Ki Sur’ la shim na ka ktien khasi Rympei – kaba mut ka lyngwiar dpei, kaba long ka jaka ha kaba ki longiing ki ju ia lum lang ban ia shet, ban ia sam khana bad ia shong sngewtynnad.
Ha kane ka jingpynlong, la don lang ki riew donburom, ba kynthup ia u Frederick Roy Kharkongor, Commissioner & Secretary, Arts & Culture; D.B.S. Mukhim, Assistant Commissioner, Food Safety; B. Rani, Director, Agriculture & Horticulture; lem bad kiwei kiwei ki heh sorkar bad ki nongpyniaid na ka East Khasi Hills MUDA.
Ha kane ka jingpynlong, ka Sunrise ka la pynbna ia ka Stella Rica Khongsni kum ka nongmihkhmat jong ka Sunrise Pure na ka thain shatei lamihngi, kaba pyni ia ka sien jam kaba kongsan jong ka kompani ha ka jingiadei jong ka bad ka Meghalaya bad ka jingpynkhlain ia ka jingiadei jong ka bad ki nongthied ba na ka thain.
Haba kren shaphang kane ka jingpynlong u Piyush Mishra, Business Head, Spices, ITC Ltd. u la ong, “Ka Sunrise ka ju long kaba ia dei bha bad ka kolshor kong ki jaka kiba ngi ngi shakri. Ka Rympei Ki Sur ka dei kawei na ki jingai burom jong ngi ia ki nong Meghalaya, ki sur jingrwai jong ki, bad ka jingsyaid jong ka rympei kaba wanrah lang ia ka longiing. Lyngba kane ka jingpynlong, ngi sngew sarong ban rakhe ia ka jingriewspah jong ki sur jong kane ka thain bad ngi pdiang sngewbha ia ka Stella Rica Khongsni sha ka long iing Sunrise.”
Kane ka janmiet ka la long kaba shongshit bha lyngba ki jingrwai ba la rwai da ki kynhun na ka thain, ks Snow White bad Colours, kaba la wanrah ia ki jingiashim bynta lem na ki paidbah kiba sngewtynnad ia ka tem ka put ha kylleng ka Shillong.
Ba la pynwandur bad pyniaid da la Sunrise Pure Masalas, kane ka jingpynlong ka la iohi ia ka jingdon lang jong kiwei kiwei ki kompani ba la paw, ha kylleng kane ka jaka pynlong lyngba ki jingthoh kyrteng ha ka rynsan, ki jingthaw digital, ki jingiashim bynta lang jong ki paidbah, ki jingiakop bad ki song ai sngewbha kiba ia dei bad ka Sunrise, ki jingjer kyrteng ia ki kompani da ki RJ, bad ki jingiashim bynta ha ki rynsan social media, kaba la wanrah ia ka jingiashem kaba sngewtynnad ia kiba ia don ha kane ka jingpynlong.
Haba kren shaphang kane ka jingiasoh, ka Stella Rica Khongsni, nongmih khmat jong ka Sunrise Pure ka la ong, u sngewkmen ban pyniasoh bad ka Sunrise Pure Masala katba ka nang iai pynkhlain ia ka jingdon jong ka ha kylleng ka thain shatei lamihngi. Ka jingbam ka ju long kaba ha khmat ha ka kolshor ka jong ngi, kaba wanrah lang ia ki briew bad kaba pynneh pynsah ia ka dustur.
Ka jingkut jingmut jong ka Sunrise ban rakhe ia ka jingmad jong kine ki thain bad ki imlang ki sahlang ka la pynlong ia kane ka jingrakhe kaba kham kyrpang. Ka long ka burom kaba khraw, bad nga khmih lynti ban ia don bynta lang ha ka jingiaid lynti ka jong ka, katba ka nang iai kiew bad iai long ka kyrteng kaba la shaniah da ki longiing kiba bun ha kylleng ka Meghalaya bad shabar.
Lyngba Ka Rympei Ki Sur, ka Sunrise Pure ka nang iai pynskhem ia ka jingkut jingmut jong ka ban nang iai pynkhlain ia ka jingdon jong ka ha kylleng ka shatei lamihngi da kaba pyniadei bad ki imlang sahlang kiba ha ka thain bad rakhe ia ka kolshor kaba riewsphah jong ka thain.
Katba ka kompani ka nang iai pyrshang ban pynheh ia ki dienjat jong ka bad ia ka kam kaba ka trei ha ka shatei lamihngi, kane ka jingpyrshang ka pyni ia ka jingthmu jong ka Sunrise ban nang tei ia ka jingiadei kaba shisha bad ki nongthied lyngba ki jingiashem kiba iadei bad ka dustur, ki jingai mynsiem, bad ka mynsiem kaba sngewtynnad jong ka thain.
