New Delhi, Jylliew 20: Ha ki khatar snem ba la leit, ka thain shatei lam mihngi ka la iohi iaka jingkylla kaba khraw ha ka liang ki surok, ki bording, bad ka jinglong ka jingim ha kine ki khathraw snem kiba la dep. Ki skhim sorkar ki la pyniar kiba bun ki jingshakri, pynbha iaka koit ka khiah bad pynkhlain iaki shnong ki thaw ha baroh phra tylli ki jylla.
Ka prokram kum ka Jal Jeevan Mission, Swachh Bharat Mission bad ka PMAY, ki la pyniar iaka jingiohi um na ki piped ha ki nongkyndong, ka jingpynkhuid iaki jaboh bad ka jingioh jaka sah. Ha kajuh ka por, ki jingpynlut ha ki jaka sumar koit khiah bad ki skul pule ki la pynlong iaki shnong ki thaw kiba skhem bad kiba kynthup lang ia baroh.
Iaka Jal Jeevan Mission(JJM), kaba la wanrah ha u Nailar 2019, kala pynioh iaka um bam um dih haduh tyngkong iing. Ha kylleng ki phra tylli ki thain shatei lam mihngi, ka jylla Arunachal Pradesh bad Mizoram ki dei ki jylla kiba la biang ka um bam um dih.
Katba iaka JJM kaba ar, la pdiang ha u Lber 2026 bad la thmu ban pyniar sha u Nohprah 2028, lem bad ka jingbei tyngka haduh T. 8.69 lak klur. Ym tang ban tei tang ki kor um bad tanki um, hynrei kane ka jingthmu ka phai khmat sha ka jingpynioh iaka um bam um dih kaba khuid bad ba biang man ka sngi bad man ka longiing haki jaka nongkyndong.
Ha Meghalaya ka jingpynpoi um sha ki thliew iing ka dang long tang 83.93% katba ka jylla Arunachal Pradesh bad ka jylla Mizoram kila pyndep 100%, katba kiwei ki jylla ki dang hap ban pyndep ia kane ka jingpynpoi um sha ki iing ki iing.
