Shillong, Jylliew, 20: Ka Myntri pla pisa ka sorkar India ka Nirmala Sitharaman kala ong ba iaka ram kaba la shim da ki jylla shatei lam mihngi na ka bynta ki kam pynroi 90 persen ka siew ka sorkar pdeng bad 10 persen ki siew na ki sorkar jylla.
Haba kren ha ki lad pathai khubor ha Marriott kala ong ba ka jingpynlong iaka ‘Leveraging Externally Aided Project in North Eastern state’ ka long ba ki iakren halor kine ki skhim kiba wan na shabar ri kiba pyntrei ha kine ki jylla ha ka thain shatei lam mihngi.
Haba jubab iaka jingkylli haba dei bad ka jingdon kita ki nongiarap kiba la tip ha ka ktien nongwei kum ki consultant ka Myntri ka sorkar pdeng kala ong ban ioh ia kine ki skhim donkam iaki briew kiba la pyntbit kyrpang ha ki kam katkum ki skhim ba kin kyrshan iaka jingtreikam ha ki sorkar jylla.
Haba iadei bad ka jingpyntreikam iaka 16th Finance Commission, ka Myntri kala ong ba la bud ryntih iaki jingai jingmut jong ka Kommission bad kane ka long salonsar ha ka ri baroh kawei kam dei tang na ka bynta ki jylla ka thain shatei lam mihngi ka ri India.
Ka Myntri kala pynpaw iaka jingsngew kmen jong ka ban iohi ba ki skhim kiba la bei tyngka ha kane ka jylla ka la shem ba la pyntreikam ha ka rukom kaba i shongkun kum ka jaka tylliat musli musla ha Ri Bhoi bad ka stadium ha West Jaintia Hills bad kiwei kiwei ruh ki skhim ka rukom pyntreikam ka long kaba i hun.
