Shillong, Jylliew 21: U myntri rangbah ka jylla u Conrad K Sangma u la ai khublei ia u samla Richbhalang Kharshiing bala pass ia ka eksam Joint Entrance Examination mynta u snem 2026.
U myntri rangbah ka jylla u la pynpaw ia ka jingsngew kmen ba ha ka rta kaba 17 u samla Richbhalang u la pass ia kane ka eksam bad na pdeng ki riewlum u la wan ha ka kyrdan kaba 15 ka dei ka jingjop kaba khraw.
U myntri rangbah u da sngew kmen ban iohi ba u la ioh ban pule ha ka jaka pule ba paw bha ha IIT Bombay ha ka subjek Computer Science bad Engineering kaba dei kawei ki jingpule kaba paw bha ha ka ri.
U myntri rangbah ka jylla u ai ka jingkhublei kaba kyrpang u samla ba u da sngew sarong ba ka jylla la sei u samla ba stad, u kitbok ba yn dang leh bha ha ki jingpyle jong u ha ki por ki ban dang wan.
