Shillong,Jylliew 30: Mynta ka sngi 30/Jylliew/2026 u Chief Secretary ka jylla Meghalaya u Dr. Shakil P. Ahmed u la pynmih ia ka jingpynbna sorkar ba u Lat ka jylla u la pynthymmai ia ki lai tylli ki Regional Committee ban ia kren ia ka jingiapynbeit pud bad ka jylla Assam.
Ia ka Regional Committee kaba dei peit ia ka Ri Bhoi District la thung ia u bah Prestone Tynsong symbud myntri rangbah ka jylla kum u shongknor kiwei ki dkhot ki long u bah Sosthenes Sohtun myntri ka sorkar u bah Mayralborne Syiem, Damanbait Lamare, Charles Marngar kiba dei ki MLA u bah Denzil Raynard Chen Executive Member ba dei peit ia ka Elaka jong ka KHADC kum ki dkhot ka Committee bad u Deputy Commissioner ka Ri Bhoi District un long kum u member secretary.Ki jaka ban iakren kiba hap ha RI Bhoi District kynthup ia ka Borduar, Nongwah Mawtamur, Deshdoomreah bad ka Block II.
Ha West Khasi Hills u bah Metbah Lyngdoh u la shah thung kum u shongknor Committee kiwei ki dkhot jong ka Committee ki kynthup ia u bah Methodius Dkhar myntri ka sorkar jylla u bah Reanikton L.Tongkhar, U Remington Gabil Momin ki MLA, U bah Winston Tony Lyngdoh CEM, KHADC u bah Lurshai Kharbani MDC ki dkhot ka Committee bad u DC ka West Khasi Hills kum u member secretary ka jaka ban iakren ha kane ka jingiapynbeit pud ka dei ka Langpih.
Ka Regional Committee jong ka West Jaintia Hills kala thung ia u bah Sniawbhalang Dhar symbud myntri rangbah kum u shongknor kiwei ki dkhot ki long u bah Lahkmen Rymbui myntri ka sorkar, u bah Comingone Ymbon, Nujorki Sungoh ki MLA, u bah Thombor Shiwat CEM, JHADC u bah Aiborlang Shadap MDC bad u Deputy Commissioner kum u member secretary ki jaka ban iakren ka Block I, ka Psiar bad ka Khanduli.
