Shillong, Jylliew 30: Mynta ka sngi 30/Jylliew/2026 ki dkhot ka seng Khasi Students’ Union jong ka North Khasi Hills District ha ka jingiadon lang u samla Pynkmenlang Sanmiet vice president ka seng kmie kila leit ban jurip ia ka Facilitation Centre kaba don ha Umling ia kaba la shna ban peit bniah ia ki briew kiba rung kiba mih sha kane ka jylla ha u snem 2020.
Ka jingleit ka seng ban jurip ia kane ka jaka ka long ba ha katei ka jaka ka sorkar kala phah shna ia ki jingtei ban pynkylla dukan ja kum ka seng kam pyrshah ia ki jingtei hynrei kaei kaba ki kwah ba ka sorkar kan pyntreikam ia ka Meghalaya Resident Safety and Security Act 2016 ia kaba ka sorkar haduh mynta kam pat lah ban pyntrei kam ia kane ka ain.
Kum ka seng ka dap da ka jingsngewsih ban iohi ba ia kane ka jaka ha Umling kaba la buh ban pynlong kum ka jaka ban peit bniah ia ki briew kiba nabar kiba rung kiba mih sha kane ka jylla hynrei mynta la pynkylla pat ia ka jingtei ha kane ka jaka ba kin long ki dukan ja bad kane kan nang khring shuh ia ki briew kiba nabar ban wan sha kane ka jaka.
Kum ka seng ka ieng skhem ba ha kane ka jaka ka dei ban don ka Facilitation Centre bad lada ka ieng da ki jingtei ka seng kala shim ia ka rai ban pynsangeh ia kane ka jingtrei mardor bad kin sa peit ia kaei kaba ka sorkar kan sa leh ha kine ki sngi ba dang wan bad kum ka seng kala ia kynduh ia u ophisar jngoh kai pyrthei u ba don ha Ri Bhoi District haba iadei bad kane ka jaka.
