Shillong, Jylliew 29: Ka ophis jong u Assistant Registrar jong ka Cooperative Society kala pynlong ia ka jingrakhe ia ka taiew iatrei lang ha South West Garo Hills District ha Ampati kaba dei ruh ka lyngkhuh snem kaba san jong ka jingseng ia ka Ministry of Cooperation jong ka sorkar pdeng.
Mynta u snem ka jingrakhe ia ka taiew iatrei lang la buh ia ka phang pdeng “ka jingpynshai paidbah da ka jingiashim bynta lang ki riew paidbah”, ha kaba ka Deputy Commissioner jong ka distrik ka Anedya Raajshree IAS, kala iadon lang kum ka kongsan.
Ha ka jingkren ka jong ka kala ban jur ia ka jingdonkam jong ka jingiatrei lang namar kane kan kyntiew ia ka ioh ka kot bad ban pyllong ia ki longiing longsem ha ki nongkyndong ba kin lah ban ieng ha la ki jong ki kjat bad ka pynshlur ba kin iatrei lang ban kyntiew ia ka ioh ka kot hapoh ka distrik.
U Salbeson D. Sangma jong ka KIRUPARA IVCS Limited u la pynsngew ha ka jingshem jong u ia ka jingmyntoi jong ka jingiatrei lang, ha kane ka sngi ka shnat trei kam jong ka Meghalaya Cooperative Apex Bank na Garobadha kala batai shaphang ka jingpyniaid ia ka pisa pilain lyngba ki bank ha kane ka sngi la wan ban ia shim bynta ruh da ki kynhun seng bhalang bapher bapher bad ki ophisar na ka Cooperative Department.
