Shillong, Naitung 11: Ki pulit kila iathuh ba ki don san ngut ki briew kiba la khlad ha Dong madan ha Lapalang ha ka sngi Thohdieng jan miet, kiba la khlad na tip kyrteng kum u Umesh Thakuri, 30 snem na Nongrah Dongktieh, Block-5, u Sunil Thakuri, 34 snem Nongrah Dongktieh, Block-5.
Kaba lai ngut kiwei pat ki dei na ka shnong Thangsning, Smit, ka kyrteng jong ki ki long u bah Pynskhemlang Mawthoh, 22 snem, u bah Rapborlang Nongspung, 35 snem bad u bah Elka Shadap, 25 snem.
La iathuh ba ki don saw ngut kiba la leit trei ban pynkhuid ia ka pung um kaba ka jingjylliew jong ka kam don duna ia ka 30 phut bad kine kila pyndon kam da ka generator ban ban ia um hynrei na kadaw jong ka jinglang ka tdem u wei na ki la ioh ban mih bad lai ngut kila sah kut.
Na ka liang jong u ba ioh mih la pyrta briew ban pan jingiarap bad Umesh Thakuri, u Sunil Thakuri haba ki ioh sngew ia kane kila leit ban iarap hynrei kila khlad noh ha kane ka jingjia kaba sngewsih
