Shillong, Naitung 14: Mynta ka sngi 14/Naitung/2026 ka Jaiñtia National Council (JNC) bad ka Jaiñtia Students’ Union (JSU) kila leit ban tur sha ophis jong ka Jaiñtia Hills Autonomous District Council (JHADC) ban dawa ban pynduh noh ia ka jingbit kaba la ai sha ka Shree Cement bad ban wengnoh ia u Doloi ka Elaka Nongkhlieh, East Jaiñtia Hills District.
Na ka liang jong ka JSU bad ka JNC kila kynnoh ba u Chief Executive Member jong ka Jaintia Hills Autonomous District Council u la mih noh na ophis shuwa ba kin poi bad haba kila poi la shem ba um don ha ophis wat la u la tip ba kila ia iaid paidbah ban poi sha District Council.
Ka jingdawa ka JNC bad ka JSU ka long ba dei ban weng mardor ia u Dolloi jong ka Elaka Nongkhlieh namar u la pynkhein ia ki kyndon jong ka District Council ha kaba ai jingbit ban tih mawshun ha Lum Syrman ki ar seng ki kynnoh kaba ka jingleh ka long pyrshah ia ka ain.
Ki dawa ba dei ban pynneh pynsah ia ka jaka puta jong ki paidbah bad kine ki ar seng ki kynnoh ba la leh thombor da u Dolloi ka Elaka bad kine ki ar seng kila pynpaw ba ki long kiba la kloi ban ieng ban iada ia ka khyndew ka shyiap ki paidbah.
