Shillong, Nailar 02: U Deputy Commissioner jong ka East Khasi Hills District u la pynmih ia ka jingpynbna ba ha ki saw tylli ki jaka ieng kali, Mawkhar, Wahtahpbru, GS Road bad Jaiaw Langshning yn pyndon kam noh da ka ‘Electronic Tikceting Machine’ ia kito kiba pynieng kali hakitei ki jaka.
U Deputy Commissioner jong ka East Khasi Hills District la ong ba la pynmih ia kane ka jingpynbna katkum ka jingbthah jong u Director ka tnad pynroi sor kabala pynmih ha ka 28/Naitung/2026 katkum ki jaka kiba la bthah na ka ophis jong ka tnad pynroi sor.
Ki jaka kiba yn pyndon kam ia ki mashin ban ai slip sha kiba pynieng kali kan long ha kine ki jaka kiba hap ha ka bynta jong ka Wahthapbru, ka GS Road, Motphran, katba ka Mawkhar ka don lai bynta, Mawkhar A, Mawkhar B bad Mawkhar C, katba ka Jaiaw Langshning ka ar, Jaiaw Langshning A bad Jaiaw Langshning B.
Ha kane ka jingpynbna ka ophis jong ka tnad pynroi sor kala jer ruh iaki kyrteng jong ki nonglum ba iing kali, ki number phone jong kiba dei ban ai ia ka slip ba ieng kali ka ophis kala kdew shai ia kane ka bynta.
