New Delhi, Nailar, 01: Ka kynhun Myntri jong ka sorkar pdeng ba la pyniaid da u Myntri Rangbah duh ka ri u Narendra Modi kala mynjur ban bteng iaka skhim Pradhan Mantri Kisan Samman Nidhi (PM-KISAN) naduh u snem 2026-27 haduh u snem 2030-31. La mynjur iaka jingpynlut pisa baroh kan long T.315 lak klur na ka bynta kane ka skhim ha kane ka samoi.
Ka jingmynjur ka pynskhem biang iaka jingkular jong ka sorkar ba ka roi ka par jong ki nongrep ka long ka nongrim jong ka roi ka par ka ri. Lyngba ka skhim PM-KISAN la ai ka jingkyrshan ha ka kamai kajih kaba biang por bad kaba shai sha ki longiing jong ki nongrep kiba dei hok ban ioh lyngba ka Direct Benefit Transfer (DBT), kaba iarap iaki nongrep ban kyntiew iaka jingbei tyngka ha ka rep ka riang bad ban pynkhlain iaka kamai kajih jong ki.
Ka PM-KISAN bad ka rukom treikam kaba jop jong ka bha ka miat jong ki nongrep kaba shai bad kaba la pyniaid da ka teknoloji ka dei ka skhim PM-KISAN kaba la sdang ha u Rymphang 2018. Hapoh kane ka skhim, ki longiing jong ki nongrep kiba don la ka jong ka jaka ki ioh iaka jingiarap pisa kaba T. 6,000 ha ka shi snem, kaba poi beit beit sha ka bank account jong ki ha ki lai bynta jong ka jingsiew. Lyngba ka jingpynshisha da u Aadhaar, ka jingpynshisha digital bad ka kam DBT kaba skhem, ka skhim kala buh iaka nuksa kaba khlain shaphang ka jingshai, ka jingtreikam bad ka jingbahkhlieh.
Ki jingjop ba kongsan jong ka skhim PM-KISAN ki long kiba la dep phah palat T.447 lak klur beit beit sha ki bank account jong ki nongrep lyngba 23 tylli ki jingpyllait jingsiew hapoh ka skhim. Hapoh ka jingpyllait jingsiew kaba 23, palat 9.49 klur ngut ki nongrep kila ioh jingmyntoi haba la pyllait pisa palat T.18,984 klur. Ha ka por jong ka khlam COVID-19 la pyllait palat T.1.71 lak klur ban ai jingiarap pisa iaki nongrep.
Katba ki longkmie kiba dei ki nongrep kila ioh palat T.106 lak klur hapoh ka PM-KISAN bad jan iwei na man ki saw ngut kiba ioh jingmyntoi kidei ki longkmie nongrep. Ka bynta kaba heh ha ka jingpynkhlain iaka jingbei tyngka ha ka kam rep bad ka kamai kajih jong ki nongrep ka long ba ka jingai jingiarap hapoh ka PM-KISAN kala plie lad iaki nongrep ban bei tyngka ha ka por kaba biang na ka bynta ki symbai, ki sboh, ki jingai um, ki mashin rep bad kiwei kiwei ki jingdonkam ha ka kam rep.
Kane kala kyntiew iaka lad jong ki nongrep ban pynmih mar, kala pynduna iaka jingshaniah jong ki ha ki jingshim ram bym pat pynskhem bad kala pynkhlain iaka jinglong jingman ha ka liang ka pisa tyngka jong ki longing ha ki jaka nongkyndong.
Ka jingktah kaba bha kaba la pynshisha da ki jingpeit ba laitluid ka long iaka jingktah jong ka skhim PM-KISAN, la bishar bniah da ki jaka treikam bapher bapher kiba laitluid. Katkum ka jingbishar bniah ba la leh da ka Development Monitoring and Evaluation Office (DMEO) jong ka NITI Aayog.
Ka jingioh palat 92 persen na ki nongioh jingmyntoi kila pynpaw ba ki pyndonkam iaka pisa jingiarap na ka bynta ki kam rep bad ka jingbei tyngka ha ka rep ka riang. Kumba 85 persen na ki nongïoh jingmyntoi ki pynthikna iaka jingkiew ha ka ioh ka kot na ka rep ka riang bad ka jingduna ha ka jingshaniah ha ka ram bym pat pynskhem.
Ha ka samoi 2020-21 haduh 2025-26, ka jingpynmih iaki mar rep kala kiew bha. Ha kane ka por, ka jaka ba la rep kala kiew kumba 9.65 persen bad ka jingseisoh kumba 10.53 persen bad ka jingmih ki mar bam baroh ka long kumba 21.18 persen, kaba pyni iaka jingkyrshan ba pura ba la ai sha ki nongrep hapoh ka PM-KISAN bad ka jinglah ban rep kaba nangroi.
Ki jingai jingmyntoi beit beit iaki nongrep lyngba ka Digital India ka long ba ka skhim PM-KISAN kadei ka nuksa kaba bha eh jong ka jingpyndonkam hok iaka Digital India. Lyngba ka jingpynshisha kaba pynshong nongrim ha u Aadhaar, ka jingpynshisha lyngba ki lad digital bad ka rukom treikam jong ka DBT, la pynpoi beit beit iaka jingiarap pisa sha ki nongrep. Ka skhim kam dei tang ban ai jingiarap pisa; ka pynkhlain ruh iaka jingsngew shngain jong ki nongrep, ka jinglah ban shaniah halade bad ka jinglah ban bei tyngka ha ka rep ka riang.
Ka sienjam ba kongsan na ka bynta ka Atmanirbhar Bharat bad ki nongrep kiba riewspah ka long ban iai bteng ban pyniar iaka skhim PM-KISAN kan kyntiew iaka bor jong ki nongrep ban bei tyngka ha ka rep ka riang, kan kyntiew iaka jingseisoh, kan iarap ban pynduna iaki jingma ha ka rep ka riang bad kan pynkhlain iaka ioh ka kot ha ki jaka nongkyndong.
Ka skhim PM-KISAN ka dei ka nongrim ba kongsan jong ki polisi treikam jong ka sorkar kiba pynshong nongrim ha ki nongrep. Kane ka skhim ka long ban ai bor iaki klur ngut ki nongpynmih marbam jong ka ri, da kaba pynkhlain iaka bynta jong ki ha ka jingiaid lynti jong ka India sha ka Viksit Bharat.
