Shillong, Nailar 03: Ka khasi students’ union hadien ba ka lah dep ban ia kynduh bad u director ka land and Revenue dept ka lah ioh jing pynshai ba na ka liang jong kane ka dept kam don bynta eiei ban ai jaka ia ka CBI ha mawdiangdiang bad ia kane ka kam baroh lah leh da ka Urban affairs shiillong.
Mar mar ha kane kajuh ka sngi ka khasi students’ union Shillong Mihngi Circle ka lah leit pat ban ia kynduh sa ia u director ka Urban Affairs , bad hadien ka jing ia kren bad u ,u lah batai ba ia ka jaka na bynta ka CBI lah ai da ka urban affairs ban shna tang ia ka ophis bad ka residential complex kumta ka seng ka lah buh jing kylli halor kata ka blue print jong kane ka ophis ba hato ka don mo ka jing ai jingbit ban shna ia kane ka temple hapoh kane ka jaka sorkar .
U director u lah kular ban leit jngoh he ia kane ka jaka bad ka seng ka lah dawa ba u dei ban pynshai ia ka seng hapoh hynniew sngi sngi ka seng ka lah ban ruh ba dei ban pynra ia katai ka jingtei beain kumba ka ju pynra ia kino kino ki jingtei beain jongno jongno ruh.
Ka seng ka lah kren shai ba lada kane ka ophis kam leh eiei kam banse ban shim ia ki ain ha la ki jong ki kti ,ka phah ruh ia ka kyrwoh sha baroh ki ophis treikam jong ka sorkar kmie ba kim dei ban wan mushlia bad leh donbor hapoh u pud u sam jong ka Bri u Hynniewtrep, kane ka long katkum ka kyrwoh kaba la phah da u Samuel kharbani General secretary KSU Shillong Mihngi.
Ka Khasi Students’ Union (KSU), Education Cell, Central Executive Council (CEC), hapoh ka jingialam u Samla Alerick Kharjana, Education Secretary, ka pynpaw ia ka jingsngewkmen halor ka jingjop kaba ka Seng ka la ioh hadien ka jingleit iakynduh bad ki bor pyniaid jong ka National Institute of Technology (NIT), Meghalaya, halor ki mat kiba ktah ia ka bha ka miat bad ka hok jong ki samla pule.
