Shillong, 3 Nailar 2026: Ka tnad khlaw ka sorkar Meghalaya kala lah ban teh lakam iaki kam sniew lyngba ka jingpyn treikam jong ki tnad pulit kiba tbit kaba la pyniaid da ka Nongpoh Wildlife Range kaba hap hapoh ka Khasi Hills Wildlife Division ha Ri Bhoi District.
Ha ka 18 tarik Naitung, 2026, da kaba pyntreikam da ki pulit ba tbit ban lap ia kiba donkti ha ki kam sniew bapher bapher na ka Wildlife Crime Control Bureau (WCCB) ha kaba iadei bad ka jingsuba ha ka jingkhaii tuh kala pynlong iaka jingkynduh bad kem iaki nongkhai beain ha Umwang harud ka surok Nongpoh–Umden.
Ha katei ka jingkhmih, kila kurup saw tylli ki bniat hati bad kem ia kiba donkti. Ha kane ka jingkem ia kiba donkti, ka kynhun jong ka tnad wildlife kala ioh kem ia ar ngut ki briew ba suba donkti.
Katei ka kynhun kala ioh khynra bad ioh haduh saw tylli ki bniat hati, kiba dei ki hati Asiatic Elephant bad kiba donkti ki long u Tras Khymdeit bad u Wilshon Khymdeit, kiba dei ba sah ha Ri Bhoi District, Meghalaya bad kila shah kem.
Hadien katei, ki pulit la rah noh ia kine ki tiar bad kiba shah kem kila don ha kti ki pulit bad la pynngat iaki hapoh ka kyndon jong ka Wild Life (Protection) Act, 1972. La dep registar ia katei ka mukotduma ha ka Nongpoh Wildlife Range bad ka jingtohkit ka dang iaid shakhmat.
Ha kawei pat ka jingkhynra kaba ia syriem bad katei ha ka 2 /Nailar/ 2026 ha shnong Shakhoikuna, Ri Bhoi District, ka tnad Nongpoh Wildlife kala ioh kem lai ngut kiba suba donkti. Ha ka por ka jingkhynra, ka don ar tylli ki plastik kiba don ki tiar mrad ri kiba dei ki snur mrad.
La ioh kem ia u Benedick Khymdeit ba na Ri Bhoi District, Meghalaya bad u Rupai Ingti ba na Kamrup District, Assam, katba uwei pat u la ioh phet krad na katei ka jaka. Ia ki tiar ri mrad, la shim bad buh hapoh ka kyndon jong ka Wild Life (Protection) Act, 1972. La dep registar la ka jong ia katei ka jingjia ha Nongpoh Wildlife Range bad ka jingtohkit ka dang iaid shakhmat.
Ki Hati bad ki snur mrad ne ki snieh Kyrbei ki dei napdeng ki mrad kiba la iada da ka India da ka tnad ri mrad kaba hap hapoh ka Wild Life (Protection) Act, 1972. Ka jingkhaii beain bad kiwei kiwei ka long kaei kaei ka daw bah kaba pynma iaka ri baroh kawei ha kaban pynneh pynsah iaka riti dustur jong ka ri bad ka jylla.
Ka tnad khlaw ka kyntu ia ki paidbah ban pyntip mar mar sha ka ophis kaba jan duh shaphang ka jingshoh mrad khlaw, ka jingkyntiew lane ka jingkhaii beain.
