Ampati, Nailar 06: Ka South West Garo Hills kala long kawei na ki distrik kaba la pyni ba ka khlain bad kaba heh duh jong ka sorkar Meghalaya pyrshah ia u duma, ha ka jingrakhe iaka World No Tobacco Day (WNTD) 2026 kaba don ka phang “Tobacco! Business of Death.”
La pynlong ia kane ka jingpynshai hapoh ka jingpeit jong ka Tobacco Free Educational Institutions (ToFEI) ha ka jingiadon lang haduh 9,312 tylli ki skul, 55 tylli ki kholej bad palat hynriew lak ki khynnah skul ba har rukom ka jylla kila shim bynta shit rhem. La ioh lum palat 54 lak ki soi kyrteng na ka imlang sahlang ban kyrshan iaka imlang sahlang kaba lait na u duma.
La don haduh 625 tylli ki skul ha kane ka distrik kiba la pynlong iaki rally pyrshah ia u duma, ha kaba ki khynnah skul ki don haduh 19,916 ngut, kiba la mih sha lynti ban pynsaphriang iaka jingma jong u duma. La lum 55,448 tylli ki soi kyrteng na ki paidbah ban pyni ka jingkyrshan ba radbah.
La don ha jingiaroh bad jingkren na ki ophisar jong ka Deputy Commissioner, ka Anendya Raajsshre, ha kaba kala iaroh iaka jingiatylli ki bor pyniaid distrik, ki ophis skul, ki medical cell bad ki nonghikai ban pynlong ia kane ka jingpynsaphriang kaba jop.
Katba u District School Education Officer, u A.K. Sheikh u la ong ba ka jingshim bynta kaba khlain ki khynnah ka pyni iaka jingshem phang bad ka jingkut jingmut ban pynlong iaka lawei kaba koit kaba khiah.
U State Nodal Officer, u Nabaneeta D. Mawrie, u la pynkynmaw ba u duma u shim noh iaka jingim briew kumba 8,500 ngut man u snem ha ka jylla, kaba pyni ba ka jingpynshai ka long kaba donkam shisha. Ka State Project Director, ka Richa Kulkarni kala kular ba kane ka jingiatreilang kan pynlong iaka pateng ban wan kaba lait na u duma.
