Shillong, Nailar 07: Ka Hill Farmers Union HFU hapoh ka jingialam jong u President ka sengkmie Bah Commander Shangpliang ka la leit jurip ia South West Khasi Hills District namar ka jingiap khlam jong ki sniang.
Haba leit jurip sha shnong nong Nongbrei Nongdom, ha ka thain shilliangum jong ka South Wes Khasi Hills District u bah Commander Shangpliang u la lap ba ki don bun ki sniang jong ki Nongri jingri kiba dei ruh ki nongrep kiba la iap namar ka jingpang khlam.
U Bah Commander Shangpliang u la iathuh ba u la ioh ban iakren bad ki ophis jong ka Veterinary bad ki la pyntip ba ka dei namar ka jingpang African Swine Flu (ASF) ka HFU ka dawa ban phah noh ia ki jaka ai injekshon khnang ban iada na ka bynta ki sniang kiba dangim bad kiba la ioh kem pang.
U la dawa ruh na ka sorkar ba kan siew bai lutksan bad kumjuh ruh ban buh ia ka jaka eksamin lane ka jaka test ia ki sniang kiba wan na shabar ha thain Jorabat.
U la pynpaw ruh ia ka jingsngewphylla haba mynta ka seng ka la ioh jingtip ba ka don kata ka jingioh rung beit na ka bynta ki sniang kiba wan na shabar bad u la ong ba haba don da ka jingioh ruh beit ki lah ruh ban wan kit ia ki snaing iap bad kiba lah ban wankit jingpang bad shah ktah pat ki sniang ha ka jylla.
