Shillong, Nailar 12: Ar snem tam ne duna khyndiat mynshwa,ka sorkar Meghalaya lyngba ka Education Department ka la pynmih ia ka hukum (order) ba,baroh ki nonghikai college,skul kiba la sdang trei(joined) ia ki kam jongki hashwa jong u snem 2010 bad kiba hap hapoh ka Deficit system ki dei ban pynkut noh(closed) ia ka Contributory Provident Fund(CPF) jongki namar ka sorkar kan pynkhreh noh ban ai ia ki da ka bai bam tymmen(pension).Kane ka long katkum ka rai jong ka Meghalaya High Court ba donburom ba la iakhun(filed) da ka Meghalaya College Teachers Association(MCTA) ha kato ka por.
Baroh ki nonghikai college/skul kiba don ha Sor Shillong bad kiba sha rud Sor(outskirts of the city) ki dei ban leit buh(deposited) lut khoit ha ka State Bank Laitumkhrah Branch,Shillong.Ki skul/college kiba jngai na Shillong pat,ki lah ban iakren ne ia syllok(negotiated) bad ki Bank kiba don ha syndah (nearest Banks) kiba don ha shong heh(district headquarters) jongki.
Hadien ba la leit buh lut ia ka pisa CPF jong ki nonghikai ha katei ka Bank,mynta pat katei ka pisa ka la shu sahkut ldui(kept on suspension) bad ki nonghikai bapli ruh kim ioh shuh ban pyndonkam ia ka kumba ki ju leh baroh shi katto.
Katei ka lymbung pisa(accumulation of CPF) ba la buh pyllang lut ki nonghikai Deficit baroh, ka Education Department ka la buh ha ka rukom bym ioh jingphoida ei ei ne khlem ioh sut ei ei ruh em(with no interest). Ka pisa jong iwei pa iwei i nonghikai ka don ym duna shuh ia ka 10 lak iwei iwei i nonghikai.
Ha u bnai Jymmang(May) jong une u snem 2026,ka sorkar lyngba ka Edn Dept.ka la rai ban ailad ia ka mon laitluid(freedom) ia kino kino ki nonghikai ki bym kwah ban ioh pension ba ki lah ban sei noh baroh(100% withdrawal) ia katei ka CPF jongki na katei ka Bank ba ka skul ka leit bret ei(surrendered) khlem jingmih ei ei.
Ha kine ki bnai June,July bad August 2026,,la iathuh ba la don katto katne ki nonghikai khamtam kito kiba la dep shongthait(retired) na ki kam hikai jongki mynta hapoh 2 snem ki la ia khreh ban sei noh baroh(100% withdrawal) ia la ka pisa hok(,rightful dues) ba ki la pyllang shitom baroh ki snem trei jongki(long services).
Ha kine ki taiew ba la dep,katto katne ki la ioh ban sei noh ia ka CPF jongki da ka jingiarap jong ka office ka Directorate of School Education anditeracy khnang ba kin ioh pyndonkam ei ha ki jingdonkam jongki kiba man ka sngi khamtam ba kim don jingmih ne jingkamai shuh hadien ba ki la shongthait na ka kam jongki.
Ka sorkar ne Edn.Dept.ka khlem pynbor ban sei noh ne ban ap ia kata ka pension hynrei ka shong ha ka rai bad ka mon laitluit hi ki nonghikai.Bun ki nonghikai ki la artatien namar kane ka kam ioh pension ka dei ka rai jong ka Court(Court case) ym dei ba dei ka rai laitluit jongka sorkar.
Ka Court case hi ka ju shim por da ki phew snem ba ka Court kan ai ka rai kaba tyngeh(final verdict,judgement).Bakla tiak, katei ka CPF kan long ka jingma kaba khraw ba ki ioh ki lah ban ei noh pynban da ki nonghiar pateng(nominee) jong ki nonghikai khlem ioh pyndonkam satia da ki trai jong ka kam kiba dei hok kum ki nonghikai.
