Shillong,Nailar 13: Mynta ka sngi 13/ Nailar/2026 u Pa’im Ainam Manik Syiem u syiem ka Hima Mylliem u ba la shah thung biang hadien ba la jop ia ka mokotduma ha Meghalaya High Court u la iathuh ba u la ia kynduh ia u Executive Member ba dei peit ia ka tnad Elaka ha kaba u la ong ba kum ka hima ki kwah ban ia trei lang.
Ha kaba iadei bad ka rai jong ka iingbishar na ka liang jong u Pa’im u la ong ba um kwah ban kren eiei namar ia kane ka bynta u don ia ki muktiar bad u sngap bad shah shkor katkum ka jingbatai jong ki.
Mynta ka sngi u Alban Fredrick Syiem, u syiem ba shipor ba la thung da ka Khasi Hills Autonomous District Council u la leit ban shong ha ophis ka Hima Mylliem ha Mawkhar bad shwa ka 3 baje nohphai sngi u la mih noh na kamra u syiem ha kaba la iohi ba kila ia iaid lang shabar ka ophis ryngkat bad u Pa’im Ainam Manik Syiem u ba la shah thung biang kum u syiem ba pura lyngba ka rai ba pura jong ka iing bishar.
