Shillong, Nailar, 13: Ka tnad ka koit ka khiah jong ka sorkar jylla MI, kala bthah ia baroh kito kiba leit ban pule doktor na ka jingleit ka sorkar jylla ba kin wan ai report hapohmynta u bnai sha ka tnad ka koit ka khiah.
Kane ka batai shai shaphang ka jingthmu ba baroh ki Doktor kiba la pyndep iaka jingpule MBBS bad Post Graduate Degree, kiba ki dei ki doctor ba ka sorkar jylla kala bei tyngka bad thung bhah kyrpang iaki ba kine ki doctor kim pat pyntip ialade sha ka tnat ka koit khiah hadien ba kila pyndep thikna iaki jingpule jong ki.
Ka sorkar ka la phah khubor ha kham mynshuwa, lyngba ki shithi ha ka 8 tarik, Risaw 2024 bab 2 tarik, Iaiong 2025, wat kala pynmih ia kito ki jingpynbna ha ka website sorkar, kine ki doctor kim shym la wan report.
Kumta ka sorkar ka bthah ia baroh kito ki doctor ba ki dei ban wan report mar mar sha ka ophis jong u Director ka tnad ka koit ka khiah (MI) hapoh shi bnai naduh ka tarik ba mih kane ka jingpynbna, bad ka sorkar ka ai por haduh ka 7 tarik Nailur 2026.
Lada kim wan mih hapoh kane ka por, ka sorkar kan pynmih iaka hukum ban khot hajir halor ka jingkhein sting iaki kyndon kiba don ha ka kular kaba kila iateh bad ka sorkar kaba dei ka dulir iathehkular kaba kila soi bad ka sorkar.
