Shillong, Nailar, 14: Ka kynhun ki 61 ngut ki nongialehkai karate ka All Meghalaya Karate-Do Association ba la lam khmat da u Arjun Sewa, u bah Edwilbert K. Nongkynrih, u bah Pynhunlang Kharbuli bad ka kong Sharai Nongneng Shanpru kila leit shim bynta ha ka 20th All India Independence Cup Karate Championship 2026 kaba la long ha Talkatora Indoor Stadium, New Delhi naduh ka 7/Nailar/2026 haduh 9/Nailar/2026, bad kila wanrah burom ia ka jylla da kaba jop 9 tylli ki takma ksiar, 11 tylli ki rupa bad 19 tylli ki takma rnong.
Ka jingtip halor ka jingjop bad ka jingkyrshan na ka liang jong ka sorkar ka long ba ka Association ka pynpaw ka jingsngewnguh kaba khraw eh ia ka sorkar jylla halor ka jingkyrshan pisa na ka bynta ki nongialehkai hapoh ka Team Preparation jong ka 39th National Games.
Ka pyntip bad pynphong ruh ia ka jingiaroh bad jingkhublei kyrpang ia baroh ki nongialehkai kiba la mihkhmat bad iakhun da ka mynsiem ba aiti bad shaniah ha la ka ri bad jaitbynriew.
