Shillong, Nailar 14: Ka Special lntensive Revision (SlR) Kala pynlong iaka jingialang khmih biang halor ka Electoral Roll Observer bad ka East Khasi Hills District Administration bad ki nongmihkhmat jong ka seng sain pyrthei ha ka 14 tarik Nailar 2026 ha ka kamra ba pynlong iaki jingialang, ha DC Office, Shillong ha ka por 10.30 mynstep.
Ha katei ka jingialang, la don u kongsan, u Abhilash Baranwal, lAS, District Election Officer, East Khasi Hills ha ka jingiadon lang ka kong R.M. Kurbah, lAS, Electoral Roll Observer na ka bynta ka East Khasi Hills District, ki ophisar jong ka Electoral Registration bad ki Assistant Electoral, ki ophisar ba dei kiba pynrung kyrteng iaki nongthep vote jong baroh ki konstitwensi ka Assembly bad ki nongmihkhmat na ki party ka jylla kiba dei ba la dep registar bad kiba nabar kane ka jylla Meghalaya.
Katba iaka jingbatai shai shaphang ka jingtreikam ka Special lntensive Revision, la pyni da u bah R. Wahlang, Deputy District Election Officer, East Khasi Hills District bad iaki mat bad ki jingiakhun ba kumne kumtai, la dep iakren bha bad ki nongmihkhmat jong ki seng sain pyrthei bapher bapher.
Ka kong R.M. Kurbah, Electoral Roll Observer jong ka East Khasi Hills District, ha ka jingkren jong ka, kala pynpaw iaka jingsngew nguh iaka ophis treikam jong ka elekshon ba dei jong ka East Khasi Hills District na ka bynta ka jingtrei shitom ba khlem shong thait jong ki ha kaban pynbiang iaki Draft Electoral Rolls bad pyn thikna ba kane ka rukom treikam jong ka special intensive Revision, kala iaid beit iaid ryntih bha da ka jingiatylli lang bad jingiatreilang bad ki seng sain pyrthei.
Ka kong R.M. Kurbah, Electoral Roll Observer kala ong ba ki nongthep vote kiba ka kyrteng jong ki ka paw ha ka draft Electoral roll, hynrei haba la dep pynmih ka jingpynbna ba kin wan mih da lade na ka daw jong ka jing ban pynbeit iaki kyrteng jong ki ha ka por ba pynrung kyrteng, ki dei ban shimkhia ia kane bad ban wan mih bad wanrah ki kot ki sla ba donkam sha ka ophis jong ka ERO bad AERO.
Kala pynpaw ka jingsngew nguh ruh iaka jingkyrshan ba pura jong ki seng sain pyrthei bad kyrpad ban iatreilang ha ka por ba pynbna iaki jingkam bad kino kino ki jing kyntait khnang ba yn nym don mano mano ruh na ki nongthep vote ba kin sah dien. Kala pyntip ruh ba kan sa pynbeit ban leit kynduh iaki konstitwensi ka Assembly bapher bapher ha ka por ba don ha jingpynbna jong ki jingkam bad kino kino ki jing kyntait.
Katba ki nongmihkhmat jong ka seng sain pyrthei kila pynpaw ka jingsngew nguh iaka ophis jong ka The elekshon ha East Khasi Hills District bad pdiang ba kin kyrshan pura bad iatreilang khnang ba ka rukom treikam jong ka Special Intensive Revision ba kyrpang kan long kaba jop bad ba iaid beit iaid ryntih.
