Shillong, Nailar 14: Ka Meghalaya AIDS Control Society (MACS) kala pynmih iaka jingpynbna bad pyntikna ia ka jingtip halor ka Intensified IEC Campaign 3.0, kaba bud da ka jingwanrah ia kane ha ka 12/ Nailar/2026 ha Lady Keane College, Shillong.
Ka MACS kala dep pynbna ba la don haduh 558 ngut kiba ioh ia u khniang jingpang Niangkhulia lane HIV-positive napdeng ki paidbah hapdeng u Iaiong haduh Naitung 2026, katba iaki longkmie ba armet ki don haduh 60 ngut kiba la ioh ia une u khniang jingpang niangkhulia ha ujuh u bnai.
Kane ka ophis Society kala kyrpad ban pyntip ba katno ngut ki don kiba la ioh ia une u khniang jingpang bad ban pyni ha ka kaiphod bad ban iakren ha kane ka prokram.
La don haduh 9,244 ngut ki paidbah kiba im bad une u khniang jingpang HIV (PLHIV) ha ka jylla Meghalaya, katkum ka jingbatai na ka HIV Estimation Report 2025 bad la don ki jingialang ha ki 1,026 tylli shnong.
Katba 3,000 tylli ki skul la dep pynlong ia kane ka prokram bad 85 tylli ha ki kolej, la don ruh ka jingshad tynrai haduh 30 tylli bad 30 tylli kiba iashim bynta da ki paidbah.
Ia ka bynta jong ka jingleit pyn husiar ha man ki thliew iing briew, la pyndep haduh 15,000 tylli ki iing bad 12 tylli ki kamp bad kyrpang la dep buh ha ki jaka sumar jong ka sorkar.
Katba ha kylleng ka jylla Meghalaya, la don haduh 10 tylli ki prokram pyn husiar bad ka MACS kala kyrpad ia ki lad pathai khubor bad kin pynmih ia kine ki jingpynbna khnang ban pynthikna ba ka jingpynphriang ia ki khubor shaphang ka HIV bad AIDS ka long kaba neh, kaba biang bad kaba kitkhia bad ba ki paidbah kin tip shaphang kane.
