Shillong, Nailar 14: Ka North East Development Initiative (NEDI’S) kan nang pyniar shuh shuh ia ka jingshna ia ki Cold Storage, ha kaba kan sa shna kawei ha Jowai bad kawei ha Mairang da ka jingthmu ban buh ban pynneh kham bun sngi ia ki mar rep jong ki nongrep.
Kawei kaba la dep shna ka Cold Storage ha Mawblei kaba buh ia ki dohkha im ia kaba la plie da u myntri ka tnad rep u Timothy D.Shira bad na kane ka jaka yn sa sam pat sha ki nongdie khutia bad kane ka long shi bynta ban kyntiew ia ka thain shatei lam mihngi.
Ha kajuh ka por ka NEDI ka iatrei lang bad ka Don Bosco Technical School Shillong ban hikai kumno ban shna ia ki Cold Storage ban peit bad ban sumar ia ki bad kane ka long shi bynta ba ki samla kin ioh ia ka jinghikai kaba bniah khnang ba ki lah ban pyniaid ia kine ki Cold Storage.
Ha kajuh ka por ka NEDI kan sa shna ia ka jaka buh dohkha kaba la tip kum ka Indigeneous Ornamental Fish Underwater Aquarium bad kane kan don ha nongbah Shillong, ka NEDI kala pynmih ruh ia ka kot kaba la ai kyrteng North East Connect, kaba la shon ia ka da ka ABK Media India Limited da kane la pyniar ia ka jingtreikam na Meghalaya sha Tripura bad ka phang pdeng ka long ka India kan khlain ha baroh ki dong bad ki thain kin kiew ha baroh ki liang.
