Shillong, Nailar, 14: Ka Lok Bhavan Shillong bad ka tnad Arts bad kolshor jong ka sorkar Meghalaya kila pynlong iaka sngi kynmaw burom iaka jingsniew ka Partition (Partition Horrors Remembrance Day) ha Lok Bhavan, Shillong, ban kynmaw ia kiba shah ktah ha ka jingshah leh bymman ha u snem 1947.
Ka jingrakhe, jingkren, ki jingrwai bad ka jingkaweh lama, la shim bynta da u Lat ka jylla, u C.H. Vijayashankar ha kaba u la kaweh iaka lama ha ka jingdon ki nongtrei sorkar bad ki khynnah skul.
Katba iaki jingshad bad jingrwai, la iashim bynta da ki khynnah bad kila ia rwai bad shad ha Durbar Hall. U nongkren ba kongsan ha katei ka jingrakhe dei u Dr. David Arnold Kharchandy, Assistant Professor ka Synod College, ha kaba u la batai iaka jingsniew ka Partition bad ka jingktah iaka rilum Mihngi bad ki Jinghikai bad ki Nongrim na ka jingkren ki long ban sngewthuh iaka histori bad u la ong ba ka jingphiah kam dei tang ka kam sain pyrthei, hynrei ka long ka jingduh kaba khraw eh iaki briew kiba tynrai. Ki nongshong shnong kila duh ia la ki iing ki sem bad la pynpait iaki iing ki sem khlem da tip shano kin leit.
Ka jingktah iaka thain shatei lam mihngi, ha kaba u la ong ba ka Partition ka ktah shibun iaka ri lum Mihngi, ha kaba ki lynti iaid, ka mar rep bad ki iing ki sem ki la iakhlad bad kylla lynti namar ki pud ki sam kiba thymmai. Ka jingkyntu iaki khynnah hangne ka long kaba kongsan bad u la kyntu iaki khynnah skul ba kin pule iaka histori da ki lad ki bapher, ban kiar na ki khubor lamler bad ban burom ia baroh ki jait briew bad ki niam.
