Shillong, Nailar, 17: U Myntri Rangbah ka jylla Meghalaya, u Conrad K. Sangma uba la pynpaw ka jingsngew sih bad jingkyndit halor ka jingduh noh ki san ngut ki mynsiem briew na kane ka jylla Meghalaya.
U Conrad u la ong ba kane ka jingjia kala jia ha kawei ka Hotel ba la tip kum ka Bideshini Yatri Nibas kaba don ha ka kawei ka jaka mane Blei jong ka Tarapith, Birbhum district, West Bengal, ha kaba kine ki san ngut kila ngat ha ka apot sepngi kaba sngew shyrkhei kaba kine ki san ngut kila khlad na ka jinging ding ha ka step jong ka sngi nyngkong.
U Conrad u la ong ba ka jylla baroh kawei ka don ha ka jingsngewsih bad ki bahaiing ha sem jong kine kiba la khlad noh, kynthup ia u Rajendra Nath, Asha Nath, Buran Madak bad ki khun ba dang rit jong ki, u Shivraj Madak ba la don 10 snem ka rta bad u Aushnath Madak, 8 snem kiba dei na Dalu, West Garo Hills, kiba la leit sha West Bengal kum ki pilkrim. Katba kiwei pat ki hynriew ngut ki dei na West Garo Hills kila lait im na katei ka jinging ding.
Na ka liang jong ka ophis jong u Additional Resident Commissioner, Meghalaya House, ka dang iatreilang bad ka District Administration jong ka Birbhum khnang ban pynthikna shaphang kito ki longiing ba shah ktah bad ban kyrshan iaki katba lah bad ka jingiarap, kynthup iaka bai lut bai sep ban wanrah iaka met ba sah jong kiba la khlad sha ka shnong ba ki sah.
U Myntri Rangbah u la pynbna ban iarap bei tyngka mar T. 2 lak sha kane ka longiing na ka sorkar Meghalaya sha ki bahaiing jong jong ki san ngut kiba la khlad ba dei na ka jylla Meghalaya, kum ka dak ban pyni iaka jingkyrshan bad jingsngewsih ha kum kane ka por ba shem jingeh.
