Shillong, Nailar 24: Ka dorbar Synrai kaba san sngi jong ka Meghalaya Legislative Assembly kala sdang mynta 24/Nailar/2026 ka sngi hapdeng ka jingpynjur ka jingpahara ban pynthikna ba kan nym don kano kano ka jingpynthud ha kane ka jingiashong dorbar.
Ki bor jong District Administration kila pynkhlain ia ka jingpahara sawdong ka iing dorbar thawain ka jylla da kaba pynap ia ki pulit Rapid Action Force nalor ki pulit jong ka jylla ban pynthikna ba ka jingpahara kaba long kaba khlain.
Kane ka jingpynkhlain ia ka jingpahara ka dei namar ba ka Khasi Student’s Union kala khot ia ka jingiakhih shong kyllain mungor mynta ka sngi ha khmat u dur mot jong u Woh Kiang Nangbah ha khmat Civil Hospital, Shillong.
Ban pynthikna ba ka KSU kan nym ioh ban pynlong ia kane ka jingiakhih shong kyllain myngor ki bor jong ka District Administration kila pahara ia katei ka jaka da ki pulit jong ka jylla bad ki pulit RAF.
Kane ka jingpahara mynta ka sngi la iohi ha kylleng ki jaka iew kum ka Khyndailad bad Mophran kiba dei ki jaka iew, kane ka jingpahra la buh lang ia ki kynhun pulit CRPF bad ki pulit ka jylla kiba lam khmat ia ki kane ka jingpahara ka long ban wanrah ia ka jingsngew shngain ki paidbah ha ka leit ka wan ka jong ki.
