Shillong, Nailar 24: Mynta ka sngi la sdang ia ka jingiashong dorbar Synrai kaba san sngi lynter kaba la sdang mynta ka sngi bad kan kut ha ka 31/Nailar/2026, ia ki sngi shong dorbar la pdiang da ka iing dorbar.
U Lamphang ka iing dorbar thawain ka jylla u Thomas A. Sangma u la wanrah hapoh ka iing dorkar ia ka rai jong ka Business Advisory Committee kaba la ai jingmut ban pynlong ia ka dorbar synrai kaba san sngi, lai sngi la mang mynta na ka bynta ki kam jong ka sorkar bad ar sngi ia ki liang pyrshah.
Ia kane ka jingtyrwa hadien bala pynbna da u Langphang ka iing dorkar la bthah ia u Symbut mytri rangbah ka jylla u bah Prestone Tynsong ba dei peit ia ka tnad Parliamentary Affair ban buh ha khmat ka iing dorkar ban shim ia ka rai la yn pdiang ia ka rai jong ka BAC.
Halor kane ka jingtyrwa ka iing dorbar kala diang ia ki sngi shong dorbar kaba san sngi, lai sngi la mang ia ki kam jong ka sorkar bad ar sngi na ka bynta ki liang pyrshah, ha kane ka sngi sdang la wanrah ia ki kaiphot bad la wanrah hapoh ia ka iing dorkar ia ki bil jong ka sorkar.
