Shillong, Nailar 22: Mynta ka sngi ki ar tylli ki kynhun pulit Rapid Action Force jong ka kynhun D/136 kila pynlong iaid iaid “Flag March” ha kane ka nongbah Shillong ban pynthikna ia ki paidbah ba ka don ka jingiada ban don ka shnong suk shongsain.
Na ka liang jong ki bor ka District Administration kyntu ia ki paidbah nongshong shnong ba kin nym don kano kano ka jingsngew syier bad ba kin long kiba jai jai bad ba kin kiar na ka jingpynphriang ia ki khubor hamsaia.
Kine kynhun pulit kiba la shah hikai kyrpang ban tem ia ki jinghuri hura kila poi sha kane ka nongbah shnong bad la pyndon kam nyngkong ia ki ha ka 21/08/2026 ban pahara ha ki bynta jong ka khyndailad.
Kane ka jingiaid kine ki kynhun pulit mynta ka sngi kala long ha ki bynta jong ka Bivar Road, saw dong ka Secretarait, sha Khyndalad bad sha Motphran bad kane ka jingiaid ka long ban pyntip sha ki paidbah ba kim dei ban syier ki don ki lat jingiada.
