Shillong, Nailar, 22: Ka tnad pynroi sor jong ka sorkat Meghalaya mynta ka sngi kala ithuh iaka jing shimkhia ba mar mar bad jingshlur jong ki nongtrei katei ka bos bording kaba dei ka bos ba hap hapoh ka PM e-bus Sewa Scheme (“Ka Bos Jong Ngi”) hadien ba kila iarap ban ai jingiada iaki paidbah nongleit nongwan katei ka bos ha ka por ba don ka jingjia shah kawang maw iaka iit jong katei ka bos kaba la jia ha Wahkdiat, Nongmengsong. Kane ka jingshim khia ba mar mar jong kine ki nongtrei ka pyni iaka jingbuh nyngkong ka jylla ban ai jingiada shwa iaki paidbah nongleit nongwan bad ban nym don kano kano ka jingthut ha ka leit ka wan ki kali ha kylleng ka jylla Meghalaya.
Ha ka 19 tarik Nailar 2026, ha ka por 5:51 janmiet, kawei ka bos bording kaba don ia u registration nombar ML05 AH 5045 kaba la iaid na ka surok na Air Force ban leit sha IIM. Katba katei ka bos ka dang iaid na Wahkdait, haba ka don hajan jong kawei ka kali kaba iaid rally lang, la don ki briew bym ithuh durkhmat kiba la kawang maw kynsan kynsan iaka iit jong katei ka bos, ha kaba ka iit kali jong kane ka bos kala pait bad katei ka la pyn lap jingma ia baroh ki paidbah ba shong ha kane ka bos.
Watla jia kumta, hynrei u nongniah ba ka tip kyrteng u bah Fullmoonwell Lyngdoh bad u conductor, u bah Banmanbha Marwien kila lah ban teh lakam ia katei ka jingjia. Da kaba pyrkhat shwa iaka jingshngain ki paidbah nongleit nongwan, kine ki nongtrei kila iada shwa iaki nongleit nongwan kiba shong ha katei ka bos bad pyn thikna ba ym don ba mynsaw ha ka por ba jia kumta.
Ha ka jing iohi iaka jingshlur jong ki, ka tnad pynroi sor, kala ai sngewbha da ka song pisa ia kine ki nongtrei mar T. 10,000 each.
