Shillong, Nailar 24: U myntri rangbah ka jylla u Conrad K Sangma mynta ka sngi ka 24/Nailar 2026 u la ong ba ka khubor na ka liang jong u bad ka sorkar kaba phah sha ki paidbah ka long kaei kaba la jia ka long kaei kaei kaba sngewsih kaba ym lah ban pdiang.
U myntri rangbah la ong ba ki don ki briew kiba pyrshang ban wanrah ia ka jingshong syier ha ka imlang sahlang, haba ia dei ba kane ka sorkar kan nym ieh ia kito ki briew ka sorkar kan shim ia ki lat ki lynti ban pynshitom tyngeh ia kito kiba la pyrshang ban wanrah ia ka jingshong syier.
U myntri rangbah ka jylla u la kyntu ia ki paidbah ba kim dei ban syier, u la ong ba ka dei ka jingshisha ba kala wanrah ia ka jingbymbit bymbiang wat ka sorkar ruh ka sngewthuh namar la iohi ia kaei kaba la leh na ka jylla kaba Marjan ia kaba kila ioh ban ia kren bad ban ia pynbeit ia ki jingeh.
Ka dei ka hok jong ki paidbah ban pynlong ia ki jingia khih kaba jai jai, kam mut ba kin shim ia ka ain ha kti, ha ka juh ka por kam mut kaba ki lah ban leh katba ki sngewbit, khamtam eh ban bom bad tid ia ki riew paidbah.
Haba ia dei bad kum kine ki jingjia ki paidbah ruh ki dei ban mih sha khmat ban kren, la ong ba ka sorkar ka plie ia ki lat jingiakren haba ia dei bad kano kano ka phang, ki kloi ban ia kren, hynrei u don u pud ba ym lah ban jam pyrshah bad lada jam palat yn leh katkum ka ain.
