Shillong, Nailar 26: Ki ar tylli ki seng jong ki muktiar ka jylla Meghalaya, High Court Meghalaya Bar Association (HCMBA) bad ka Shillong Bar Association (SBA) kin pynlong ia ka jingiakhih da kaba iaid paidbah la shai ka sngi 26/08/2026 ban daw aba ka sorkar kan weng noh ia u Advocate General ka sorkar Meghalaya u Amit Kumar.
Kitei ki ar tylli ki seng jong ki muktiar kila shim ia ka rai ha ka jingialang ba kyrpang ha ka 24/Nailar/2026, bad ka jingpynskhem da ka Joint Executive Committee ha ka 25/Nailar/ 2026, la rai ban pynbeit ia kane lyngba ki mat ba kongsan. Ka jingiakhih kaba nyngkong ka long ban dawa pynkynriah kam ia u Amit Kumar, u Advocate General ka jylla Meghalaya.
Ka jingiaiaid paidbah ba jai jai kan long ha ka 27/Nailar/2026, naduh ka por 11:00 baje mynstep bad ka lynti ban iaid, kan long na Centenary Junction (Civil Hospital Point) sha Barik Point sha Malki Point sha MPSC Building sha Lower Lachumiere sha Barik Point sha Centenary Junction. Hadien ka jingiaid paidbah, kan don ka jingshong kyllain mungor ha madan jong ka High Court of Meghalaya Bar Association katba ki kdhot ki dang leit ban ai dorkhas ha u Lat ka jylla.
La kyntu ia baroh ki muktiar ban ym dei ban leit trei ha ka sngi ka jingiakhih bad ban iashim bynta shit rhem lang ha kane ka jingiaid paidbah, bla kahot da ka High Court of Meghalaya Bar Association ban sdang ha ka por ha ka por 10:00 baje mynstep ha kane ka jingiaid paidbah ym dei ban tap khmat.
Baroh ki dkhot ki dei ban iashim bynta ha kane ka jingiaid paidbah bad shong kyllain mungor da ki jainkup kam jong ki. Baroh ki dei ban bud ia ka lynti iaid ba la bthah thik thik. Ym bit ban pyrta lane kren ha ka por ba iaid bad shong iakhih.
