Shillong, Nailar, 26: Ka seng Support Wings kala pynlong ia ka rynsan kaba thikna kaba la tip kyrteng kum ka “Little Smiles”, kaba mut ki jingrkhie kaba rit ha Shillong. Kane ka long ban pynsngewbha bad ha kajuh ka por ban pynneh ia ka jingstad bad ka jingsngewbha hapdeng ki khynnah kiba palat 60 ngut, ryngkat ka jingiarap bad ka jingshakri kaba ryngkat mon sngewbha na ki 10 ngut ki samla ba dei ki volunteer. Ia kane ka lympung la pynlong ha ka 18 tarik Nailar, 2026 ha Langkyrding, Shillong, kaba dei ka jaka ri khun swet.
Ka thong ka long ha kaba nyngkong ban pynbyrngia, hynrei ban iarap pynneh iaka jingsngewthuh kaba paka ha ka imlang sahlang, kum ka hok long-khynnah bad ki sap ne ki jingshisha kiba khraw ha ka jingim.
La pynlong ia ki kam bapher bapher kiba kynthup ia ka rynsan dro dur, shad bad kiwei kiwei ki jingshad kiba pynphriang ia ka jingsngewbha, ka jingrkhie bad ka sap kaba don ha ki khynnah.
Kane ka sngi kala long ka lad kaba kyrpang ia kine ki khynnah ba kin sngew ba don ba thmu bad ba pynleit jingmut ia ki bad ba kin ioh ka lad ban iathuh khana shaphang ialade bad ban pynpaw ia ki jingsngew jong ki.
Katba ki kyntien kiba la kren da ka heh ka seng, ka Krusha Seth, kaba dei ka Director jong ka seng Support Wings, kala thoh bad pynpaw kumne: “Ha ka Support Wings, ngi ngeit ba ka jingkylla kaba shisha ka wan hi lada ngi iashem bad ki khynnah ha ka jaka kaba ki don, da ka jingsngewbha, ka jingiaishah bad ka jingsumar kaba shisha.”
Haba kren shaphang ka Seng Support Wings, ka Support Wings ka dei ka seng trei mon sngewbha kaba la pyniaid da ki samla kaba trei shitom ha ki 80 tam ki shnong bah ha ri India baroh kawei. Ka thong ka long ban pynlong ia ka jingkylla kaba bha ha ka imlang sahlang lyngba ka jingshakri paidbah, ka jingiada ia ka mariang, ka pule dangle bad ki kam shakri mon sngewbha.
