Shillong, Nailar, 28: U bah Gideon Tympuin un lah jied ban mihkhmat iaka Ri India ha ka kyrdan U-21 Men’s Kata ha ka AKF24 Cadet, Junior & U-21 Karate Championships 2026 kaba yn pynlong ha Amman, Jordan.
Ka All Meghalaya Karate-Do Association (AMKA) ka pynbna da ka jingsngew sarong ba u bah Gideon Tympuin u la shah jied ban mihkhmat iaka ri India ha ka kyrdan U-21 Years Men’s Kata ha ka AKF24 Cadet, Junior & U-21 Karate Championships 2026, kaba yn pynlong ha Amman, Jordan, naduh ka 6 haduh 11 Nailur 2026.
U Gideon u la ioh ia kane ha ka kynhun India hadien ba u la pynpaw iaka sap kaba phylla bad ioh iaka takma ksiar ha ka 5th KIO Senior & U-21 National Karate Championship 2026, kaba la long ha Talkatora Indoor Stadium, New Delhi, naduh 26 Rymphang haduh 1 Lber 2026.
Nalor kata, u Gideon u la ioh ruh iaka takma rnong (Bronze Medal) ha ka 10th Cadet, Junior, U-21 and Senior Karate Championship 2026 kaba la long ha Dhaka, Bangladesh, naduh 15 haduh 19 Naitung 2026. Kane ka jingshah jied jong u ka long ka burom kaba khraw iaka jylla Meghalaya baroh kawei bad iaka kynhun ki nongialehkai karate.
Ka AMKA ka kular bad ai khublei kyrpang ia u Gideon bad la ong ruh ba un leit jop ha ka pyrthei ialehkai. U Gideon u la thmu ban leit sha Jordan ha ka 4 tarik Nailur 2026. Ka Association ka kit bok ia u ba un wanrah burom biang iaka Meghalaya bad iaka Ri India baroh kawei.
