Shillong, Nailar, 31: Ha ka 30 tarik Nailar, 2026, ki pulit kila ioh ia ka ujor da ka ejahar ha kaba iadei bad ka jingshah tuh kawei ka iing ha Riatsohkhlur ha kaba ki ksiar, ka mobile phone Redmi Note-10 bad ka pisa haduh T. 10,000 kila jah na iing.
Ia katei ka jingjia la dep iohi ha ka CCTV, Mar mar kumta, ki pulit kila dep buddien bad kem noh ia u nongtuh, ba la tip kyrteng u, Evertumshine Eawphian 24 snem , ha Iew Ajmera mynta ka sngi ka 31/ Nailar/2026.
Ha ka jingtohkit ki pulit kila lap iaki khoila ksiar bad ka sati ksiar napoh ka nala ba don hajan jong ka jaka ap bos ka 101 kumba la ialam da u bala shah kem na ki pulit namar u la buhrieh ha katei ka jaka ap bos.
Ia katei ka ejahar, la dep registar ha Lumdiengjri PS case no 106/2026 U/S 305(a)/331(4) BNS bad ka jingtohkit ka dang iaid shakhmat khnang ban ioh kem sa ia kiwei pat ba donkti ha katei ka jingjia shah tuh.
