Shillong: Ka Nangkiew Irat ka la lah ba kan pynliem ia ka Mylliem da 1-0, ha ka lympung ialehkai jong ka Shillong Premier League 2026, ba la long hynne ka nohphai sngi ha SSA Stadium, Polo.
Ia kane ka shi kol ka Nangkiew Irat la thep ia ka da u Ronaldkydon Lyngdoh Nonglait ha ka minit ba 39.
Da kane ka jingjop, ka Nangkiew Irat ka la ioh ba kan khur 7 point bad ban rung sha ka thup jong ka Top 4, katba ka Mylliem kane ka nam rem kaba mynta ka sngi kan iai neh sha trai ka miej iakhein point kaba la wan hadien ba ka la shah rem haduh saw sien.
Ka Nangkiew Irat kan jin da la babe bha ialde mynta ka sngi, hadien ba ka la pynlehnoh ei ia kiba bun tylli ki kabu ksiar ba la wan sha ka, katno tam lei lei ha ka kylla step.
Hynrei ia kane ka shi shi kol ka la wan hadien ba u Edyvenson Dhar u la ioh ban rah shakhmat ia ka bol tad haduh ban da poi haduh ka box, kaba ha kum kane ka khyllipmat tiak u la lah ban pynbuh sha ka jaka ba la don u Ronald uba la shu kynjat tok ia ka bol ban pynkhih ia ka jar.
Katba na ka liang ka Mylliem ruh ka pyrshang lem ban iai don ha ka thong ban iakhun, kaba ka kabu ksiar ba la paw shynna ia ka kadei hadien ba u Shaibor Nongrum u la khyrwit jam bha ia ka bol kaba la lait pat sharud, kaba la jia long hadien ba u la kyndit ba kane ka bol kan wan sha u.
Ka kylla miet, ka jingiakhun kam da don kyntien than ban batai, wat hadien ba la mih paw ki kato katne ki jingiapyrshang ban thep ia ki kol, kum na u Jefferson Pakyntein uba la shut jam bha ia ka bol ha ka minit ba 68 na bynta ka Nangkiew, hynrei ka bol suit ka la her beit shalor, katba na ka liang u Alem Khongwir um shim la lah ban ioh tehlakam ia ka bol ba la iarap ban pashat sha u da u Remark Kharmalki.
Lashai ka sngi, ka jingiakhun kan long hapdeng ka MLP FT pyrshah ia ka Shillong Lajong FC, kaban sdang ha ka por 3:40 baje nohphai sngi, kaba hangne kine ki ar kynhun ki don mynta mar 7 point na ki lai sien ialehkai ba ki la dep bad la khmih lynti ba kine ki ar kynhun kin ia pyrshang ban iakhun tyngeh naka bynta ban wanphai bad ka lai point na ka madan iakhun.
