Shillong, Nailar 31: U bah Metbah Lyngdoh President jong ka United Democratic Party u la kren shai ba ka jingleit ia kynduh ki MLA ka party ia u myntri kam poh iing ka sorkar pdeng u Amit Shah ka dei halor ka Foreign Contribution (Regulation) Act.
U bah Metbah la ong ba u dang ia kynduh ia ki MLA jong ka party ha ka sngi kut ka dorbar synrai bad kam don kaba kumta ka jingiakren, ka jingleit Kolkata ki katto kane ki dei na la bynta ka kam shimet jong ki ki.
Ki MLA ki don ruh sha Shillong halor ki jong ki konstitwensi ka jong ki, kane ka khubor kaba la sa phriang ka dei kaba bakla shibun, haduh mynta kam don ruh kum katta ba kin leit ban rung BJP.
U President ka UDP u la ong ha ki para MLA lada kim hun ia u ruh ki dei ban kren shai hynrei baroh ki ong ba kim don ei ei ban pyrshah, kane ka jingsaphriang ka khubor ka dei kaba bakla la ong.
