New Delhi, Nailur 13: U Myntri Rangbah duh jong ka Ri India u Narendra Modi u la ia kynduh bad u President ka ri China u Xi Jingping ha ka sngi Saitjian ha nongbah Delhi ha ka por don ka jingialang jong ka BRICS.
Kine ki nongialam jong kine ki ar tylli ki ri kila ia kren kumno ban pynkhlain ia ka khaii pateng ha peng kine ki ar tylli ki ri, ka jingiarung ia mih ki briew na ka bynta ka khaii pateng bad ba kan don ka jingmyntoi lang ia baroh ar tylli ki ri, ka jingiakynduh khatduh jong kine ki nongialam ka long ha Tianjin ha Nailar 2025.
Ha kane ka jingiakren u myntri rangbah duh jong ka Ri India u la ban jur ban don ka jingshong suk khappud namar kane kan wanrah ia ka jingiajan bad ba baroh ar lianbg kin bunrom ia ki soskular kiba la dep ban ia soi.
Kine ki nongialam baroh ar ngut kila ia mynjur ban don ka jingia burom mar kylliang bad haba ia dei bad kam pud kam sam dei ban ia pdiang lang ba baroh arliang namar kane kan iarap ba baroh ar liang ki paidbah nongshong shnong.
Kine ki nongialam kila ioh ba kala don ka jingiajan hapdeng ki paidbah nongshong shnong kine ki ar tylli ki ri bad kaba don kam ka long ban ia pyninam ia ki riti dustur hapeng kine ki ri, kiwei ki bynta kaba kila ia kren ka long ha ka khaii pateng bad ban ia plilad lang ia ki iew.
Kila ia kren ba kin ia bteng ka jingiatreilang ia kaba ktah lang ia baroh la ka long ha ka thian ne ha ka pyrthei ruh juh ha don ki jingeh bad u myntri rangbah duh ka ri u la ai khublei ia ka ri China kaba la kyrshan ba kan long shongknor ha kane ka jingialang ka BRICS-2026.
