Shillong, Nailur, 12: Mynta ka sngi ka 12/Nailur/2026 u President ka BJP, Meghalaya State Unit, u Rickman G. Momin u la pdiang sngewbha ia u Dr. Jemino Mawthoh sha ka party ha ka jingiadon lang ki nongkit kam ka seng.
U Dr. Jemino ha ka jingkren hadien ba la dep ban pdiang ia u ha ka party BJP, u la ai khublei iaka party kaba la pdiang sngewbha ia u ban don bad kane ka party bad iaki nongbud jong u.
Ha kane ka sngi u Dr. Jemino u la ong ba u la long kum u Working President ha ka party United Democratic Party bad 9 snem u la bat kum u General Secretary bad ha kine ki snem u la pyrshang ban ai ka jingshakri ba bha tam iaka party bad u la pyrshang ruh ban wanrah iaka seng riewlum kaba khlain hynrei kam shym la urlong.
Ha u 2023 u la iakhun iaka elekshon na ka party UDP bad u la rem kumta u la shim iaka rai ba kala dei ia u ban resign noh na ka party kumta ia kane ka rai u la shim ha u 2023 hynrei namar ka jingkyrpad ki nongialam ka party kumta u la weng noh iaka shithi resign.
Hynrei dei ha u 2025 ha u bnai Iaiong bad Jymmang hadien ka MP elekshon bad ka MDC elekshon u la shim iaka rai ban mih noh na ka party kaba u la don la slem bha u la leh ia kane namar u sngew katto kala biang ba un mih noh.
U la ong haba peit iaka sain pyrthei ka jylla Meghalaya ki don shibun ki riewstad kiba lah ban rah iaka jylla Meghalaya shajrong hynrei ym lah ban leh ia kata kumta u sngew ba ha kane ka kynti ba mynta, dei tang ka BJP kaba lah ban leh u la phla ba don kiwei ki party ruh kiba la khot ia u dei na kane ka daw ba kala shim por ia u ban shim ia kane ka rai.
