Shillong, Risaw 24: Ka National People’s Youth Front kala pynlong ïa ka jingialang pdiang burom ia ki dkhot ba thymmai ha kaba ki samla kiba dei dkhot jong ki seng saiñ pyrthei bapher bapher hapoh ka jylla ki la pynïasoh noh sha ka party.
Ha kane ka jingialang la don ryngkat lang u bah Weiladmiki Shylla, President jong ka NPYF Meghalaya State Unit, u ba dei ruh u Myntri Sorkar ka Jylla; u bah Mayborn Rapthap, President jong ka NPYF Shillong City; bad ka Kong Naphi Marweiñ, Secretary ba peit ia ka NPYF Ri-Bhoi District, ryngkat bad kiwei pat ki nongïalam bad ki dkhot jong ka party.
Kane ka jingpynïasoh jong ki samla ka pyni ïa ka jingkiew jong ka jingïashim bynta jong ki samla ha ki kam saiñpyrthei, bad ka jingpynïar ïa ka jingdon ki dkhot jong ka NPP hapoh ka jylla Meghalaya, ia ka jingialang la pynlong ha ophis jong ka party.
