Shillong,Risaw 23: Mynta ka sngi ka iing bishar kala pynlait jamin ia ki ar ngut ki nongialam ka Khasi Student’s Union, u samla Raymond Kharjana president bad u samla Reuben Najiar General Secretary kiba la shah set ha district jail Shillong.
Ha kane ka sngi la pdiang burom ia ki nongialam da ki dkhot ka seng ha jail road mar ia lait na district jail bad la Ialam ia ki sha ophis ka seng.
U President u samla Raymond haba kren ha ki lat pathai khubor la ong ba naduh ka sngi ba shah kem khlem peit ki kynnoh aiu ha ka ejahar bad haba lait jamin ruh khlem peit kyndon aiu ki buh hynrei u tip ba don ki kyndon.
Haba ia dei bad ki jingdawa ka seng, ki don kiba lah ioh bad don kiba dangsah ha kaba kin sa is kren bha ha ka Central Executive Committee, kum ki nongialam ka seng kila shim ba ka phatok ka dei ka skul bah.
U President u la ai khublei ia ki nongialam barim ka seng kiba la synran ha kti ha kjat kum ki nongialam bad ka jingkhublei ka leit sha baroh ki dkhot seng kiba la treishitom na ka bynta ka dawbah ka jaidbynriew.
