Shillong, Risaw, 23: Ha ka 22/Nailar/2022, u Superintendent ki pulit jong ka nongbah Shillong, East Khasi Hills, u bah Vivek Syiem u la iohpdiang iaka ejahar ha Bholaganj kaba la ong ba u Deepak Debnath u la thmu ban pyniap ia uwei u khynnah rit uba la ujor pyrshah ia u da kaba ot ia u ryndang jong u da ka tari ba nep.
Katkum ka ejahar, la ong ba la dep registar ia katei ka mukotduma ha thanad ki pulit ka Shella case No. 24(08)2022 kaba hap hapoh ka kyndon 307/326 IPC.
Ia katei ka jingjia, la dep tohkit bad ia uba shah ujor, kata u Deepak Debnath, la kem noh. Hadien ba la dep ka jingtohkit, u heh pulit ba tohkit u la dep ujor da ka Charge Sheet vide CS No. 01/2023 ha ka 10/Rymphang/2023 hapoh ka kyndon 302/326 jong ka IPC.
Ha ka 7 tarik Risaw 2026, ka iing kashari jong ka kong D.R. Kharbteng, District bad Session Judge, East Khasi Hills, Shillong vide Judgment/Court Order ba ha ka 07/Risaw/2026, la kem ia uba shah kynnoh, u Deepak Debnath hapoh ka Session Case No. 04(T)2023 kaba la dep pyllait na ka thanad jong ki pulit ka Shella P.S Case No. 24(08)2022 u/s 307/326 IPC.
Katba u Deepak un sa shah set phatok 6 snem ryngkat ka kuna haduh T. 10,000/- na ka daw jong ka jing byrngem jong u bad pyn hap ia u hapoh ka kyndon 304 Part II IPC bad haba um lah ban siew iaka kuna kumta un sa set tam sa shi bnai. Ia katei ka jingjia, la dep tohkit da u UBSI. u R. Ranee uba don ha thanad ki pulit ka Mawdiangdiang, Shillong.
