Songsak, Risaw 23: Ka jingshna ia ka surok bah na Lad Williamnagar sha Darugiri kaba hap ha Songsak ha East Garo Hills kaba jrong 36.635 km kala suki bha namar ka jingtrei kum ba paw ha ka jingbuh jngkhein ka NHIDCL ka lah banpyndep tang 28%.
Ka jingpynheh ia kane ka surok kaba la dep ban shna ha kapor ba shna ia ka Surok-Shillong-Nongstoin- Tura, kane kaba ki pynheh mynta sha ka Two Lane ka long tang na lad ban leit sha Williamnagar sha Darugiri kaba hap ha Songsak, kane ka dei shibynta na ka skhim Bharatmala Pariyojana jong ka sorkar pdeng.
Ia kane ka jingtrei la ai ha u snem 2023 bad la sdang ban pyntrei ha u snem 2025 bad la buh ia ka thong ba dei ban pyndep ia kane ka surok ha u Nailur 2027, ka jingmang pisa ban pyndep ia kane ka jingtrei ka long T.801.07 Klur tyngka bad ka jingpynlut haduh mynta ka dang long tang 21% na kaba la mang.
Haba u SP News Agency u la ioh ban ia kren bad ki briew ha Songsak la ong ba kimda tip bha ia ka daw jong ka jingsuki ka jingtrei ban sna ia kane ka surok, hynrei kaei kaba ki ioh sngew kalong ba hap pynpynkynriah ia ki dieng eleltrik namar ka surok ka hap ban iaid na ka jaja ba don ki dieng eleltrik.
Ha kawei ka bynta jong kane ka surok ka kompeni kala tih ia ka surok na trai jong u dieng eleltrik ba dei u Transmission Line bad kane ka buh ia ka jingma mynta lada khyllem haka por slap, na ka liang jong ka kompeni ka dang trei haduh mynta ha ki jaka bym don kano kano ka jingwit.
