Maligaon, Nailur 13: Dei ha kum kane ka sngi ka 13/Nailur/2025 u myntri rangbah duh jong ka Ri India ula plie paidbah ia ka lynti rel kaba 51.38 Km sha ka jylla Mizroam bad ka long ka jingsdang kaba thymmai ban kyntiew ia ka jylla.
Tang hapoh kane ka shisnem kane ka lynti rel kala wan rah shibun ki jingkylla, kala pynsuk ha ka leit ka wan, kala plie ia ka iew ka hat, kala kyntiew ia ki kam jngohkai pyrthei bad bun kiwei ki lat ki lynti kiba la ioh da ka jingdon ka lynti rel.
Da ki bun pateng ka jylla Mizoram kala kynduh shibun ki jingeh ha ka leit ka wan namar ki hap ban shaniah tang ha ki surok kane kala buh ia ki briew kane ka jylla ha ka jingeh hynrei da ka jingleh ban pyndep ia ka jingkieng Bairabi-Sairang ban iaid ka rel kane kala wanrah ia ka jingkylla.
Kane ka lynti rel kaba 51.38 km kaba hap iaid ia ki lum ki them ka jylla ka don haduh 153 tylli ki jingkieng, 55 tylli ki jingkieng kiba he, 88 tylli kiba rit bad 10 tylli ki ki jingkieng hap iaid na jong ki surok.
Ki don 70 tylli ki jingkieng kiba palat ia ka 70 metter ka jingkynjang bad kawei ka don 114 metres kaba mut ka kham jrong da 42 metres ia Qutub Minar ba don ha Delhi bad ka don 45 tylli ki surok krem kaba 16 km.
Ka tnad railway ka ong ba ha kane ka shisnem la ioh ia ki jingkylla ha kiba bun ki liang bad kaba kongsan ka long ba ka jylla Mizoram kala pyniadsoh bad ki iew kiba don ha kylleng ka Ri India bad kane ka long ka lat ia ki nongshong shnong ka jylla Mizoram.
